Azadîya gelan bi ronîkirin û xwedîderketina berhemên gelêrî pêkan e. Ro li me za bi xebatên hêja ên Rozayê û vê çîrçîrokê diyarî hez û hêza wê yî kurdî dikim.
 |
| Gurê bêaqil |
Gotin wextekî gurekî birçî hebû. Ev gur gurekî bêaqil
bû. Ev gur rojekê birçî bibû û gotiye hela ez ji xwe re tiştekî naxwim. Gur li
çiya û newala digere. Çû li bizinekê rast hat û ji bizinê re gotiye ez ê te
bixwim. Bizinê jî ji gur re gotiye:
-Hey tu yê min bixwî, ez qismetê te me. Xweciyê min ti
carî ji min re bilûrê nexistiye, ez jî ji bilûrê pir hez dikim. Ji min re
bilûre xe û dîsa jî min bixwe. Gur gotiyi ka ez ê çawa ji te re bilûrê xim.
Bizinê gotiye hema rahêle darekê û di ber
devê xwe de bivê û û ûrr…
Ez ê jî bi wî dengê te bivêjim vay ji min re bilûrê ket. Gur bê aqil bû û rahişt çoyekî û kir ber devê xwe got: Ûû ûû û ûr… Wexta gur kir ûr ûr deng çû şivana. Şivana got welleh ji wî alî zûrzûra gurekî tê. Gundî lê hatin hevdu. Bi kevira, bi ça bi wî ketin. Gur xwe ji nav destê wan xelas kir û çû.
Ez ê jî bi wî dengê te bivêjim vay ji min re bilûrê ket. Gur bê aqil bû û rahişt çoyekî û kir ber devê xwe got: Ûû ûû û ûr… Wexta gur kir ûr ûr deng çû şivana. Şivana got welleh ji wî alî zûrzûra gurekî tê. Gundî lê hatin hevdu. Bi kevira, bi ça bi wî ketin. Gur xwe ji nav destê wan xelas kir û çû.
Çend roj çû û gur dîsa birçî bû. Got hela ez dîsa ji
xwe re bigerim bê ez ji xwe re qismetekî nabînim. Got çû li hespê rast hat û ji hespê re gotiye
welleh ez ê te bixwim. Hespê jî gotiye hey tu yê min bixwe, ez qismetê te me.
Hema tu carî siwarê min tune bû û kes li min siwar nebûye, ew miraqa li min
çûye.
Gur gotiye ka ez ê çawa li te siwar bibim? Ez heta a
niha li hespê siwar nebûme. Hespê gotiye hema ez ê xwe li ber tatekî dim. Tu jî
xwe çenke ser min û li min siwar bibe.
Gur çû ber kevirekî hesp sekinî û gur xwe avêt ser
hesp lê siwar bû û xwe pê şidand. Hesp reviya û berê xwe da gundekî û wî li nav
gund danî û çû. Got gundeyekî gotiye welleh gurek li hespekî siwar bûye û got
lê hatin hev du û bi ça û daran pê ketin û gur bi zorê xwe ji nav lepê wan
xelas kir.
Gurê birçî birçî digere li gund û newalan. Çû dîsa li
qantirekî rast hat û ji qantirê re got ez ê te bixwim. Qantirê got hey tu yê
min bixwe, ez qismetê te me. Lê heta niha ti kesî tu caran ez nal nekirime û ew
miraqa li min çûye, hema bila ew miraqa li min mere.
Gur gotiye ka
ez ê çawa te nal bikim? Ma ez nizanim te
nal bikim. Qantir ji gur re gotiye:
-Hema here paş min bisekine û du kevira rahilê û bivê
teq teq teq ez ê bivêjim welleh vaye xweciyê min, min nal dike.
Got gur bê aqil bû, çû rahişt du kevir û paş qantir
got teq teq teq û li hev xist û qantirê pehînek li serê wî dada. Go serî lê
bela kir. Serî lê şikenand go gurê te çû ji xwe re ber zinarekî raket û
got:
-Law
bê aqilo! Tu ji xwer li bizinekê rast hat, de tu yê ji xwe re wê bizinê
bixwara. Ma bavê te bilûrvan bû, ma kalê te bilûrvan bû te çû li bilûrê xist
gundî li te hatin hevdu, şivan li te hatin hevdu û tu kirin halê kuştinê. Tu çû
li hespekî rast hat tu yê ji xwe re wî hespî bixwara. Ma bavê te siwarê hespê
bû, ma kalê te siwarê hespê bû. Tu çû li hespê siwar bû, berê te dan gund,
gundî li te hatin hevdu û te kirin halê
kuştinê. Tu çû li qantirekî rast hat tu yê ji xwe re bixwara. Ma bavê te
nalbend bû, kalê te nalbend bû tu çû paş qantirê sekinî û qantirê pehênek li
serê te dada û serê te şikand.
Hîn gur di ber xwe de dipeyivî seyidvaniya go:
- ” Xwaaa! Wa dengê gurekî tê li ber zinarê. Go way
gurek ji xwe re derdê xwe dibê.”
Go wan jî kevirek bera ser gur da û gur birîndar bû û
wê de çû û dîsa ber xwe de peyivî got:
- Law bavê te dengbêj bû, kalê te dengbêj bû. Hema çi
derdê te hebû, bila di zikê te de ba, de îjar bimire û geber bive.
Hiç yorum yok:
Yorum Gönder